O C.D. Arenteiro incorpora a Diego Moreno, lateral esquerdo de 23 anos que chega procedente do Valencia CF Mestalla.
Natural de Villa del Río (Córdoba), Moreno destaca pola súa intensidade, velocidade na banda e capacidade para sumarse ao ataque sen descoidar as tarefas defensivas. Formado nas categorías inferiores do Córdoba CF, deu o salto ao Real Valladolid, onde chegou a debutar en Primeira División antes de recalar no filial valencianista, co que disputou máis de 50 partidos en Segunda Federación nas dúas últimas tempadas.
A súa experiencia en diferentes categorías do fútbol español e o seu percorrido competitivo fan del un reforzo de garantías para o carril esquerdo verde.
💚 Benvido a Espiñedo, Diego!
#CamiñaConNós
