A NOSA HISTORIA

1958
1958

Fundación

Ano 1958, fúndase o equipo, Club Deportivo Carballiño,  herdeiro do antigo Sporting Carballiño. O nome de Arenteiro ven dado polo río que atravesa a vila. Primeira temporada 1958/59 debutouse na Serie A, que sería o equivalente a actual Preferente, xa que o Sporting Carballiño fixérao nesta división na temporada 1957/58. O debut do equipo foi ante o Arenal, aos que se lle gañaría por 2-1. Remátase a temporada nunha sexta posición dun grupo de dez equipos, entre os que estaban o Lemos, o Coruxo, o Choco ou o Alondras entre outros.
1962
1962

Primeiros Pasos

1959/60 o avance do equipo foi algo peor, pero na 1961/62 acadouse o segundo posto do grupo, o que valía para xogar a liguiña de ascenso a Terceira contra o Foz, o Bueu e o Calvo Sotelo das Pontes, non puido ser,  o equipo quedou de último, acadando o ascenso os da Mariña Lucense e os do Morrazo. Comenzouse esa liguiña moi forte gañando os dous primeiros encontros, pero perderonse os outros catro.

Na temporada 1962/63 quedouse ás portas de volver a xogar esa liguiña, xa que pola golaveraxe clasificáronse os do Xuvenil de Ponteareas.

1963
1963

Primeiro Ascenso A Terceira

Temporada 1963/64 conséguese o campiónato do Grupo Sur, e con 7 puntos acadábase o segundo posto na liguiña de ascenso por detrás do Calvo Sotelo e por diante do Viveiro e do Arcadia, acadando deste xeito o seu primeiro ascenso á Terceira División.

O debut na terceira foi na temporada 1964/65, o cal se produce no campo do Gran Peña cun empate a cero, perdendo na seguinte por 0-4 ante o Compostela na súa estrea na casa.

A primeira vitoria chegaría na xornada 5 desputada un 11 de outubro de 1964 cun 2-0 ao Gabril. Remátase esa temporada no posto 12ª nunha liga de 16 equipos.

De xeito parecido, producíronse as cousas na segunda temporada na terceira.

Na temporada de 1966/67 o equipo remata no último posto, polo que descende, volta a xogar na serie A.

Equipo que logrou o ascenso

1972
1972

Paso de terceira á preferente

Xógase na serie A ata a temporada 1972/73 na que se perde a categoría. Tras xogar catro anos en categorias provinciais vóltase á serie A na temporada 1976/1977.

Nesta serie A (actual preferente) dun único grupo, acádase o cuarto posto na temporada 1977/78 con 45 puntos.

C.D Arenteiro nos anos 70

 

1978
1978

Segundo Ascenso a Terceira

Na temporada 1978/79 o CD Arenteiro remataba decimoterceiro. Sería na temporada 1979/80 cando se ascendería de novo á Terceira División dende o sétimo posto, pero ese ano por reestructuración das categorías, subiría ata o décimo clasificado.

Na temporada 1980/81 faise base para aguantar anos en Terceira.

 

1987
1987

Ascenso a Segunda B

Tras unha serie de tempadas máis ou menos regulares en Terceira, lógrase, na de 1986/87 o subcampionato por detrás do Endesa As Pontes, e como ademáis cadraba coa ampliación da Segunda B ascéndese a esta categoría.

Realízase o debut en Espiñedo contra o CD Lugo, empatando a cero. A primeira vitoria chegaría na segunda xornada por 0-1 no campo do Bergantiños.

Como cuirodidade, o CD Arenteiro nesa tempada xogou as cinco primeiras xornadas contra equipos galegos, a excepción do primeiro que foi a Cultural de Durango na que se perdería 1-0. Nese ano xogaríase contra equipos da talla do Eibar, do mencionado Lugo, da Leoneasa, da Ximnástica Torrelavega, do Avilés, etc… Rematábase a tempada no 16º posto, o que permitiu xogar un ano máis na Segunda B.

Nesa segunda tempada na categoría de bronce, solo se puido acadar o posto 17º, e descéndese a Terceira, xunto co Santoña, Oviedo Aficionados e Bergantiños, despois de haber xogado entre outros contra o Bilbao Athlétic, Barakaldo, Pontevedra…

C.D Arentiero no ano 1987

1990
1990

Club Deportivo Carballiño

No ano 1990 o equipo pasaría a chamarse Club Deportivo Carballiño.

Cinco serían as temporadas que o equipo aguantou en Terceira, destacando os postos na de 1991/1992 e en 1992/93, o que daba dereito a xogar liguiña de play-off de ascenso, sendo a primeira vez contra o Alcalá (que acadaría os ascenso), o Lealtad e o Atlético Astorga, sendo terceiros con seis puntos por 10 do Alcalá.

Na temporda de 1992/93 sendo últimos con catro puntos ao igual co Sieiro, polos nove que acadaría o Real Madrid C e os sete do Zamora.

Despois de xogar estas dúas fases de ascenso, na temporada 1993/94, solo se acada o posto 16ª e pérdese a categoría arrastrados polos descensos de Arousa e Celta Turista da Segunda B. Baixouse  con 32 puntos, os mesmos que lle valeron ao Lalín para manterese.

Non foron nada ben as cousas pola Preferente, e tras dez temporadas nesa categoría, ao final na de 2003/04 quédase de últimos e descéndese á Primeira Rexional. Noveno posto nesa volta ás categorías provinciais.

2005
2005

Club Deportivo Arenteiro

No ano 2005 recupérase o nome de Club Deportivo Arenteiro.

Na temporada 2005/06 acádase o subcampeonato por detrás do Maside e vólstase á Preferente. Aguantando desta vez cinco anos, acadando como mellor posto un 6º na tempada 2007/08, pero na 2010/11 penúltimos e de novo, descéndese á Primeira Rexional, na que se consegue o campionato.

O retorno á Preferente é nefasto polo que se volve a descender a Primeira Rexional, na cal se chega a 3º posto e conséguese novamente ascender a Preferente, na que se estivo ata a temporada pasada e se consegue o terceiro lugar.

Xogouse o play-off de ascenso de terceiros contra o Estudiantil de Callobre e tanto na ida como na volta o resultado foi empate a un, pero na tanda de penaltis, o CD Arenteiro impoñíase por 7-6, e tras os ascensos do Fabril e Rápido de Bouzas a Segunda B, podíase voltar a xogar en Terceira, 24 anos despois de facelo por última vez. Non se puido festexar no campo ao rematar o play-off xa que se tivo que agardar a que o Rápido de Bouzas certificara o seu ascenso.

Celebración do ascenso a Terceira

2021
2021

Actualidade

A día de hoxe o CD Arenteiro é adestrado por Fran Justo, ourensán que anteriormente adestrara ao Ourense C.F.

Datos

Tempadas en 2ªB: 2 Mellor posición 16º (1987/88)
Tempadas en 3ª: 18 + ACTUAL Mellor posición 2º (1986/87)
Tempadas en Preferente: 19 Mellor posición 3º (2016/17)
Tempadas en 1ª Aut.: 4 Mellor posición 1º (2005/06 – 2011/12)
Campeonatos de Copa: 3 (2002, 2015, 2016)