O C.D. Arenteiro suma talento ao seu medio campo coa incorporación de Alberto Solís, mediocentro ofensivo de 27 anos que chega cedido do FC Andorra.
Natural de Tomares (Sevilla), Solís formouse nas categorías inferiores do Sevilla FC antes de dar o salto ao RC Celta, onde foi peza clave no filial celeste. Posteriormente defendeu as cores da Cultural Leonesa e Real Unión, ata chegar ao FC Andorra.
Destaca pola súa visión de xogo, creatividade con balón e chegada desde segunda liña, sendo un futbolista que pode marcar diferenzas no último pase e na conexión co ataque.
Benvido a Espiñedo, Alberto!

#CamiñaConNós