O C.D. Arenteiro comunica que os futbolistas Berardozzi, Marquitos e Tiago regresan á disciplina do club tras completar os seus períodos de cesión na tempada 2024/25.
Berardozzi volve a Espiñedo logo da súa experiencia no Salamanca CF UDS, mentres que Marquitos retorna tras a súa cesión na SD Compostela. Pola súa parte, Tiago pechou a campaña no Bergantiños FC, completando un curso de crecemento e minutos de xogo en competición oficial.
O club celebra a súa volta e xa traballa na planificación da nova tempada xunto aos xogadores, que se incorporarán á dinámica do equipo para preparar o novo curso.
💚 Benvidos de novo. Camiñamos xuntos.
