Damos a benvida á familia verde a Dani González, mediapunta cántabro cun talento especial para romper liñas, asistir e facer xogar ao equipo con calidade, desborde e visión de xogo. Un futbolista con magia nos pés.
Natural de Reinosa, Dani deu os seus primeiros pasos nas categorías inferiores do Racing de Santander, medrando nas filas do xuvenil e do filial antes de consolidarse no Rayo Cantabria, onde se formou nun contexto competitivo esixente e de alto nivel.
Con 23 anos, chega ao C.D. Arenteiro para seguir medrando e aportar creatividade, último pase e desequilibrio dende a mediapunta. Firma por dúas tempadas co obxectivo de facer vibrar Espiñedo co seu talento.
Benvido, Dani!
#CamiñaConNós
