O CD Arenteiro prepárase para un duelo crucial esta semana no derbi provincial fronte ao Ourense CF, e o seu novo adestrador, Jorge Cuesta, compareceu en rolda de prensa para analizar a previa do encontro. O técnico verde espera que o equipo recupere a súa mellor versión nun choque no que a evolución, o acerto e a concentración marcarán o resultado final.

Traballo para mellorar aspectos clave

Cuesta destacou que aínda hai moitos detalles por axustar, pero que o grupo está receptivo e implicado:
“Todo o mundo o está poñendo moi fácil. Fáltanos tempo para aplicar todos os cambios desexados, pero seguimos en ello”.

O preparador explicou que houbo unha selección rápida das cuestións prioritarias:
“Por sorte, controlábamos aspectos do equipo e puidemos seleccionar rapidamente os temas a acometer. Haberá varios cambios, e teño claras as áreas nas que debemos mellorar”.

Lesións e evolución de xogadores

O técnico tamén falou do estado físico da plantilla:
“Aguza está esperando evolución dunha molestia, Romera tivo un golpe e hai que ver como evoluciona. O resto de lesionados de máis duración segue fóra, aínda que Richarte parece que poderá volver para a semana”.

Un derbi cargado de intensidade

Cuesta recoñeceu que os derbis condicionan o xogo e aumentan a intensidade:
“A rivalidade fai xogar ás veces máis co corazón que coa cabeza. Medímonos a un gran rival, o Ourense CF é un bloque recoñecible, cre no que fai”.
Ademais, valorou o momento do rival:
“O Ourense CF mudou, ten máis confianza desde que mellorou a súa dinámica. Pode aplicar circulaciones longas e entende ben o que fai. Llega nun bo momento e é moito mellor equipo que ao inicio da tempada”.

Recuperar identidade e agresividade ofensiva

O adestrador verde incidiu na importancia de recuperar a esencia do Arenteiro:
“Temos que recuperar sinais de identidade do equipo e do club. Ser máis agresivos para chegar á portería, circular rápido e profundo, asentar o equipo en campo rival, gañar duelos e estar ben colocados”.

Destacou tamén a combinación entre verticalidade e estilo de xogo:
“Temos que ser verticais, aínda que non renunciamos ao balón. Recuperar identidade, sensaciones e dar a oportunidade de que o equipo se vexa moito mellor que ata agora”.

Cambios na alineación e oportunidades para todos

Cuesta avanzou que haberá novidades no once:
“Hai que meter xente nova. O cambio de adestrador abre posibilidades de ter máis minutos para todos. O xogador debe saber que está todo aberto e que a competencia segue viva”.

Ao mesmo tempo, explicou a filosofía:
“Faremos unha mestura entre momentos de forma e perfís para o que quero. Non imos volvernos tolos nin dar unha volta completa”.

Atención aos detalles e balón parado

O preparador remarcou a importancia de pequenas situacións que deciden partidos:
“Estamos dando pinceladas nos momentos importantes do xogo, tamén no balón parado. Esperamos solucionar algunhas situacións que nos están custando goles”.
Recordou que a dinámica anterior non favoreceu ao equipo:
“Os resultados non axudaron, deu a sensación de que o equipo podía recibir goles facilmente. Hai que cambiar esa dinámica”.

E destacou que os detalles poden inclinar a balanza:
“O primeiro partido que eles gañaron decidiuuse por pequenos detalles. Hai situacións que che cambian totalmente o partido, hai que estar atentos e darlles valor”.