O C.D. Arenteiro e o C.D. Lugo chegan a un acordo para a cesión de Jaume Cuéllar, extremo hispano-boliviano que vivirá a súa segunda etapa en O Carballiño.
Moi querido pola afección verde, Jaume deixounos grandes recordos na pasada tempada, destacando pola súa velocidade, desborde, visión e capacidade no un contra un. Un perfil eléctrico e incisivo que sempre suma dende o extremo.
Formado nas canteiras do Racing Blanenc, FC Barcelona e o club italiano SPAL, co que debutou na Serie A converténdose no primeiro boliviano da historia en xogar na máxima categoría italiana, aterrou no C.D. Lugo en 2021, co que disputou a Segunda División antes de seguir sumando experiencia en Primeira RFEF.
Internacional coa Selección absoluta de Bolivia, ten experiencia en contextos esixentes como a liga italiana, a Segunda División española, a Primera RFEF e mesmo a Copa América, onde chegou a debutar no primeiro equipo nacional.
Unha nova oportunidade para seguir sumando talento, ilusión e entrega á familia verde.
💚 Benvido de novo, Jaume!
#CamiñaConNós
