O C.D. Arenteiro reforza o seu eixo defensivo coa incorporación de Gorka Pérez, central vasco de 30 anos con ampla experiencia no fútbol profesional, incluída a Liga Hypermotion.

Natural de Gordexola (Bizkaia) e formado na canteira do Athletic Club, Gorka desenvolveu a súa carreira en equipos de primeiro nivel como o CD Lugo, Nàstic de Tarragona, CD Numancia, CD Badajoz ou a UD Logroñés, co que logrou un histórico ascenso á Segunda División.

Trátase dun central rápido, expeditivo, cunha excelente saída de balón, contundente nos duelos individuais e fiable no corte. Un perfil que combina liderado, experiencia e seguridade, clave para o equilibrio defensivo do equipo.

A súa traxectoria en contextos esixentes e o seu perfil competitivo serán fundamentais nesta nova etapa en Espiñedo.

Benvido á familia verde, Gorka!

#CamiñaConNós