Damos a benvida á familia verde a Brais Val Alonso, centrocampista galego con talento, visión de xogo e gran capacidade de traballo sen balón.
Natural de Vigo, Brais formouse nas canteiras do RC Celta e do Valencia CF antes de regresar a Galicia para defender durante catro tempadas a camiseta do Dépor, onde foi unha peza clave no Fabril e chegou a estar en dinámica co primeiro equipo. A pasada tempada xogou no Villarreal CF B, sumando experiencia en contextos esixentes.
Xogador cun excelente pase interior, capacidade para manexar os tempos do xogo e compromiso co equipo, chega ao C.D. Arenteiro para achegar calidade e equilibrio ao medio do campo.
Benvido, Brais!
