O C.D. Arenteiro incorpora potencia, velocidade e desequilibrio ao seu ataque coa chegada de Babucarr Boye “Babu”, extremo gambiano de 23 anos con experiencia en España e no estranxeiro.

Babu é un extremo versátil, capaz de xogar por ambas bandas, que destaca pola súa explosividade en carreira, desborde e habilidade no un contra un. Un xogador vertical, valente e sempre disposto a encarar.

Malia a súa xuventude, conta xa cun interesante percorrido en equipos como o Real Ávila CF, o FC Cartagena B ou o Vasalunds IF sueco, demostrando que é un futbolista con experiencia, carácter e un alto potencial de crecemento.

Un reforzo de presente e futuro para seguir sumando talento ofensivo ao plantel verde.

Benvido á familia, Babu!

#CamiñaConNós